April 18, 2024

Warning: sprintf(): Too few arguments in /www/wwwroot/bodyfitnessinfo.com/wp-content/themes/chromenews/lib/breadcrumb-trail/inc/breadcrumbs.php on line 253
متحدہ عرب امارات

متحدہ عرب امارات (یو اے ای) نے ’ویزا آن ارائیول‘ کی سہولت حاصل کرنے والے ممالک کی فہرست جاری کردی۔

غیر ملکی خبر رساں ادارے کے مطابق متحدہ عرب امارات کی وزارت خارجہ نے ویزا پالیسی کے سلسلے میں اپنی ترجیحات کو واضح کرتے ہوئے پیشگی ویزا کے استثنا کی فہرست میں مزید ملکوں کو شامل کرلیا ہے۔

غیر ملکی خبر رساں ادارے کی رپورٹ کے مطابق یو اے ای کی اس ویزا استثنا کی پالیسی سے اب مجموعی طور پر دنیا بھر 87 ممالک کے شہری مستفید ہوسکیں گے۔

متحدہ عرب امارات کی حکومت نے واضح کیا ہے کہ جی سی سی کے شہریوں کو یہاں کا دورہ کرنے کے لیے ویزا یا اسپانسر شپ کی ضرورت نہیں ہوگی، وہ یو اے ای پہنچنے پر اپنا پاسپورٹ یا شناختی کارڈ دکھا کر دبئی میں داخل ہو سکیں گے۔

مذکورہ تمام 87 ملکوں کے شہری اب امارات پہنچ کر ویزا حاصل کرسکیں گے اور انہیں پیشگی ویزا حاصل کرنے کی شرط پوری کرنا لازم نہیں رہے گا۔

بتایا گیا ہے کہ اس سہولت کا مقصد امارات میں سیاحوں کے آمد کو ان کے لیے آسان بنانا ہے تاکہ اماراتی سیاحت کے شائق افراد کی راہ میں کوئی مشکل اور انتظار کی صورت باقی نہ رہے۔

وزارت خارجہ کی طرف سے نظر ثانی شدہ ویزا پالیسی کے بعد اب ایک سو دس ایسے ممالک رہ گئے ہیں جنہیں اماراتی ویزے کا پیشگی حصول ممکن بنانا ضروری ہوگا۔ پیشگی ویزا کے استثنا کی فہرست میں پاکستان کا نام شامل نہیں۔

پیشگی ویزا کے استثنیٰ کی فہرست میں البانیہ، انڈورا، ارجنٹینا، آسٹریا، آسٹریلیا، آذربائیجان، بحرین، بارباڈوس، برازیل، بیلا روس، بیلجیئم، برونائی، بلغاریہ، کینیڈا، چلی، چین اور دیگر ممالک شامل ہیں۔

واضح رہے کہ 110 ممالک کے شہریوں کو متحدہ عرب امارات پہنچنے سے پہلے ویزا حاصل کرنا ضروری ہے جس میں پاکستان کا نام بھی شامل ہے۔

Leave a Reply

Your email address will not be published. Required fields are marked *