May 23, 2024

Warning: sprintf(): Too few arguments in /www/wwwroot/bodyfitnessinfo.com/wp-content/themes/chromenews/lib/breadcrumb-trail/inc/breadcrumbs.php on line 253
Sheikh Sudis praying on the occasion of completion of Quran in Taraweeh on 29th night in Haram Sharif. Photo: INN

 یہاں  اتوار کو رمضان المبارک کی ۲۹؍ ویں شب کے موقع پر خانہ کعبہ اور مسجد نبوی میں ۳۰؍ لاکھ سے زائد مسلمان جمع ہوئے، انہوں نے عشا کی نماز اور نماز تراویح ادا کی۔ سعودی پریس ایجنسی (ایس پی اے) کے مطابق مسجد الحرام میں موجود مسلمانوں نے اس وقت ہونے والے ختم قرآن کی تلاوت بھی سنی۔ 

یہ بھی پڑھئے: غزہ میں جنگ بندی کیلئے متنازع نکات پر اتفاق

لوگ دن کے آغاز سے ہی مسجد میں جمع ہونا شروع ہو گئے تھے، امام کعبہ شیخ عبدالرحمٰن السدیس کی امامت میں نماز ادا کی گئی۔ انہوں نے اللہ تعالیٰ سے سعودی عرب اور دوسرے مسلمان ملکوں کیلئے شر سے حفاظت اور فلسطین کے مظلوم مسلمانوں کی سلامتی کے لیے دعا کی۔ اس کے علاوہ فلسطینی مسلمانوں کو اسرائیلی ظلم و جارحیت سے نجات اور بیت المقدس کی آزادی کیلئے دعا مانگی گئی، اس دوران رقت آمیز مناظردیکھنے میں آئے۔ رمضان المبارک کی۲۹؍ویں شب پر مسجد الحرام کی بیسمنٹ، چھت اور اطراف کی سڑکیں نمازیوں سے بھر گئیں، مسجد نبوی میں بھی ہوٹلوں کی راہداریاں اور سڑکوں پر نمازیوں کی لمبی قطاریں تھیں۔ واضح رہے کہ سعودی عرب میں پیر کی شام عید کا چاند نظر آنا ممکن نہیں ہے ماہرین کے مطابق سعودی عرب میں رمضان المبارک۳۰؍ روز کا ہوگا، عید۱۰؍ اپریل کو ہوگی۔

Leave a Reply

Your email address will not be published. Required fields are marked *